求驗客手記:紅軍靜靜雞和你拜年 - 求驗客

更新時間 (HKT): 2020.01.22 02:20
author
記者 : 求驗客

農曆新年就到,原來喺周日英超雙紅會中,主場嘅利物浦已經用廣告牌同球迷拜早年,有眼利球迷睇到紅軍嘅廣告牌出現簡體字嘅祝福語:「六六大順阿諾德,萬事如意奧里吉!利物浦恭祝所有人新春快樂」(藍圈示)。外媒分析話,第一句「六六大順阿諾德」,就梗係讚今季好勁嘅66號紅軍球員阿歷山大阿諾特,而第二句「萬事如意奧里吉」,「奧里吉」係代表前鋒奧歷治,希望球迷萬事如意,同奧歷治一樣鴻運當頭。英超唔少球會都非常睇重亞洲市場,今次喺大賽用中文字同球迷拜年,就係一個好例子。另外,根據CIES Football Observatory周一公佈嘅數據,利物浦係今季全歐洲最「乾淨」嘅球隊,佢哋今季每場平均犯規得8.14次,係歐洲35個聯賽所有球隊入面,場均犯規次數最少嘅一隊。

包羅萬有,「體」得舒服,即Like「蘋果體育」FB專頁!
BannerBanner