› 選擇地區
三藩市
紐約
洛杉磯
其他美國地區
香港 台灣 北美
 
2002年05月28日

採訪手記:「搶截」的士唔要得

對中國國家隊而言,中文球場訓練環境當然一流;但對前來採訪記者就未必係理想球場,交通不便肯定係最大問題,結果發生記者「搶截」的士事件。

往返球場可預先租車
只要唔係首次到中文球場採訪嘅記者,都會識得租車、「包的士」或者透過大會援助繙譯熱線召車,等採訪完操練後即時有車離開;但係唔少第一次到球場嘅記者唔知球場難搵車,出現有車去無車返情況。
中國隊今日下午操練完畢後已經係夜晚七點半,呢類「初哥」記者為咗可以快啲離開球場,居然到球場外較遠範圍,將其他人電召嘅的士「攔途截劫」,一走了之。
小記亦遇上呢個情況,喺球場等好耐都無車到,後來先知架車已經被人「搶截」咗,幾經辛苦先等到第二架車返酒店。後來聽司機講,原來佢到球場附近一直有唔少中國記者截停佢架車強行上車,好辛苦先趕走呢班「強盜」;真係多得呢位司機大佬咁有職業道德,唔使又白等一趟。

相關新聞:米路望改善國足把握力

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載