› 選擇地區
三藩市
紐約
洛杉磯
其他美國地區
香港 台灣 北美
 
2005年01月04日

世網冠軍挑戰賽記者會花絮

「美少女」舒拉寶娃有幾受歡迎,看看昨日記者會後的專訪,數十名傳媒爭着要跟她做訪問。徐嘉華攝

大威做物理治療遲到
噚日記者會已經較原定時間遲半小時開始,點知威廉絲喺記者會開始約五分鐘先到;威廉絲事後解釋當時做緊物理治療,大頭蝦唔記得記者會時間,要大會工作人員通知先醒起,大威重話自己一向好守時,今次只不過一時大意,猛向記者saysorry㖭。

雙「娃」唔似不和
上年協會盃女子網球賽,俄羅斯雖然冇新貴舒拉寶娃參加,一樣擊敗法國攞冠軍,事後更引發部份俄羅斯球手杯葛舒拉寶娃傳聞,話佢一年冇幾多個月喺祖家;不過記者會所見,舒拉寶娃同坐喺旁邊嘅同胞古絲妮索娃有傾有講,又唔多似杯葛喎。

記者響機斷「舒娃」發言
外國球手一向好注重禮貌,好似記者會之後嘅訪問舒拉寶娃途中,有兩次記者手提電話響起,舒拉寶娃立即停止發言,眼定定望住個記者,好似有啲不滿。

相關新聞:威廉絲05願望不求名利

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載