蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

世界盃有線眼:瑞士躉甘為太極虎打氣

每次大家睇到直播,都係靠呢幾十磅重嘅儀器幫手先做到㗎!

漢諾威位於德國中北部,睇旅遊書介紹話佢其實係一個工業城巿,球隊喺德甲嘅成績又唔係咁理想,以為冇乜世界盃氣氛,點知一走出中央車站,見到瑞士、南韓球迷通街都係,感覺同法蘭克福或慕尼黑比較真係不遑多讓。

南韓球迷送Tee收買人心

瑞士對南韓呢場G組大戰喺漢諾威上演,有線直擊隊梗係要到場為太極虎打氣,話晒大家都係亞洲人嘛。諗住賽前雙方球迷會大鬥一番,點知訪問過後完全係兩回事,部份瑞士球迷更倒轉槍頭為南韓打氣,問佢哋點解,瑞士球迷回應話:「最好打和,法國就唔可以出線。」不過最後瑞士就真係冇面畀,唔留力咁贏埋2:0,南韓就咁就出咗局嘞!
當時,南韓球迷臨場亦有嘗試收買人心,希望瑞士球迷可以助佢哋一臂之力,雙雙攜手出線。南韓躉喺球場免費派發國家隊Tee畀瑞士球迷,有禮物收喎,瑞士球迷幫對方打氣都無乜所謂啦!
漢諾威呢個城巿唔算好大,由中央車站步行去球場,最多只係30分鐘。球迷唔怕行錯路,事關由中央車站開始,地下有一條紅色線一直帶你到達球場。而呢段路程球迷一定唔會悶,因為沿途有唔少商店、酒吧同餐廳,你可以邊行邊購物,冇體力嘅時候又可以食一個大餐。
如果球迷冇波飛,仲可以喺酒吧,同其他冇波飛嘅人士一齊感受世界盃氣氛。就直擊隊所見,當日已有好多南韓同瑞士球迷,入唔到球場同國家隊打氣,都可以喺球場附近發功,用另一種方式支持球隊。
有線06世界盃嘉年華,將於今晚9:00pm——11:00pm,播出世盃外景隊採訪滙報

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載