蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

現場畀料:「橙軍」點讓葡萄牙?

首圈跟得最貼身球隊非荷蘭莫屬,3場分組賽有幸睇晒,亦見住呢支「橙軍」點樣逐漸暴露出本身弱點;對住控球能力較佳球隊時,往往老鼠拉龜,前線欠狀態十足箭頭人物,防守亦只有門神雲達沙最可靠,呢日16強大戰踢法上正好係剋星嘅葡萄牙,點讓?葡萄牙下盤可取!
荷蘭首戰塞黑時贏盡中場優勢,其實今屆塞黑人腳質素參差,擺到明係同組實力最弱分子,輸0:1已經算係咁;第2場荷蘭2:1贏科特迪瓦,呢場全靠尹佩斯射入罰球,及洛賓為「雲佬」穿針引線嘅兩個入球奠勝。但要留意荷蘭失嗰球,係畀對面嘅高尼由中場舞到去禁區頂抽入,咁睇「橙軍」條中場線,都唔係咁完美。

荷蘭中場線輸蝕

對住阿根廷,更係完全失去優勢,控球權大部份時間落咗喺阿根廷球員腳下,俾人搓到「檸檬」咁款。仲有就係正前鋒雲尼斯達萊,可能季尾畀曼聯雪到硬咗,無論走位及把握力都無復從前。
葡萄牙嘅波,雖然只係睇過對伊朗一場咁大把,但佢哋今屆始終以歐洲國家盃球員班底為主,夾慣夾熟;未必有阿根廷咁具說服力,但亦算夠晒耐性去搵對手防線漏洞。中場球員又識入波,又有費高同「C朗」等「扭扭樂」博吓12碼,呢場受讓真係幾筍!文:華度
採訪隊推介
華度心水:葡萄牙下盤

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載