› 選擇地區
三藩市
紐約
洛杉磯
其他美國地區
香港 台灣 北美
 
2006年06月25日

茶餐廳:厄瓜多爾後防硬淨

侍仔:今晚實做到唔停手啦,頭場英格蘭對厄瓜多爾,一定好多人捧場。
菠蘿文:咁又係呀,但英格蘭𠵱家情況險峻,4個前鋒得兩個用得,奧雲傷咗,禾確特未夠班,用高治搭朗尼?定係打單箭頭呢?高治話自己最擅長高空波,但呢個戰術又畀謝拉特狂插,今次艾歷臣頭痛啦!
拿神:呢個又唔使驚,我識人喺英軍做軍醫,佢話艾歷臣會打4-5-1戰術,咁即係朗尼一定踢正前鋒!又放風話會棄用碧咸,唔踢高波用地波。
招積域:英軍踢地面?咁我要厄瓜多爾喇,呢隊波上晒力,對一隊非爭標分子嚟講,有晒爆冷條件。英格蘭立立亂,又話冇前鋒,又話碧咸同謝拉特嗌交,加上球隊慢熱,寧捧當頭起嘅厄瓜多爾,而且受讓一球,又係重插玄機。
菠蘿文:一見下盤就重插,真係輸死你呀招積域,塞黑對科特迪瓦又係受讓,最後咪又輸埋。厄瓜多爾後衞唔夠硬淨係事實,但佢哋個中堅靴達度位置感一流,頭兩場分組賽一球不失同佢有關,所以我買厄瓜多爾和波兼1:1波膽,英格蘭踢唔擅長戰術,最多入1球。
侍仔:咁葡萄牙對荷蘭呢?你又點睇?
拿神:兩隊波球路相似,相信係以運氣決高下啦,如果唔係尹巴士頓點會練埋12碼?所以我認為呢場係和波,波膽2:2。
招積域:係咪咁有信心呀?之前04年歐國盃4強葡萄牙贏過荷蘭2:1,連卡維奴都話可以歷史重演,再贏一場。
拿神:歷史呢樣嘢好難講,贏過又點?一於英格蘭和再串荷蘭和,又或者買葡萄牙冠軍囉,列卡度彭利拿話會除剩底褲撲12碼!
文:高洛文

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載