› 選擇地區
三藩市
紐約
洛杉磯
其他美國地區
香港 台灣 北美
 
2006年09月16日

莊家手記:拜仁客W好穩陣 - 謝利

周中歐冠盃以「唔貪心」嘅理念,成功命中3串1,今次一於繼續追捧歐冠盃有好表現嘅球隊,穩膽先取拜仁慕尼黑客W。
拜仁慕尼黑周中大數莫斯科斯巴達4球,單W有1.4倍,今次對手比勒費爾德實力更弱,換來1.53倍更好分頭賠率,實在難得,尤其是德甲同歐洲賽下周中都冇比賽,拜仁搏埋今場,就可以唞足一個星期,戰意絕對唔使懷疑。立博開出嘅亞洲盤,拜仁作客讓半/一,而且只得74水,通常呢啲情況下,客W都開得出。唔係太貪心的話,有53%回報,要繼續追。

巴塞「客勝」曼城下盤

巴塞隆拿周中大炒對手5蛋,過程就好似打咗場友誼賽咁,又唔使用咩力,球員信心又大增;講真巴塞喺歐洲算係正氣球隊,一係贏唔到,如果唔係通常都波盤齊贏。桑坦德今季睇怕都難逃降班厄運,直落輸兩仗,仲要未入過波。巴塞今次作客讓到一球/球半,唔怕佢讓得多,客W同「讓球主客和」的「客勝」兩瓣都要捧。
布力般流浪今季嘅表現,肯定唔及上季,最大原因後防老化問題嚴重,新加盟嘅奧查又成日犯錯;而且布力般中前場打法,已經俾人睇死,加上要兼顧歐洲賽,並唔值得睇好。曼城上仗輸俾雷丁,但表現並唔差,後防亦夠硬淨,應該守得住,受讓半球,梗係要博下盤啦。
立博亞洲區首席博彩顧問
謝利
電郵:sport@appledaily.com

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載