› 選擇地區
三藩市
紐約
洛杉磯
其他美國地區
香港 台灣 北美
 
2006年10月10日

5強欣逢弱旅齊發炮 昅實「其他」波膽 - 牽牛

打叠兩輪歐洲國家盃外圍賽完成周三秩序,要到11月中才再展開戰幔;不少球迷喜歡追捧強弱之戰,無論強隊讓到幾多球,都照捧可也,上周六捷克同克羅地亞已經各數對手7蛋,開「主勝」兼「主其他」,為這班捧熱球迷帶來進賬;周三再有5場類似戲碼,到底強隊又會唔會毫無保留咁大炒1場呢?文:牽牛

星期三21
法國VS法羅群島

法國上仗作客飲恨蘇格蘭,在B組被蘇格蘭拋離外,連意大利同立陶宛也亦步亦趨,今仗面對魚腩法羅群島,應該唔會再失手。法國陣容沒有大問題,門將哥柏因傷退隊,但以法羅群島攻力,就算法國空門都唔驚!前鋒沙夏上次因為輕傷列後備,到下半場末段都要換出搏殺,今次有足夠休息,應該可以頂替上仗好似「隱形」的查斯古特擔任正選。法羅群島實力不提也罷,法國會否大炒,全憑主隊戰意。不過,以法國班老將如馬基列尼等有傷在身,亨利、馬隆達等,就算當打,都要顧住周末聯賽,下周中又要打歐冠盃,贏得2、3球隨時就開始留力踢。足智彩上周六開捷克[-5]「瀨野」,今次都夠膽再開法國[-4],擺明唔信法國大炒,上年世界盃外圍賽法國都只贏3蛋,今次開出「主其他」機會真係一般。
「主其他」波膽:2.5倍 開出指數:★★★

星期三12
列支敦士登VS丹麥

丹麥上仗意外地被北愛爾蘭迫和,今次不容再失,雖然門將蘇連遜、前鋒賓特拿因傷退隊,以一班中前場球員好似湯馬臣、佐真遜等全部當打好力,有足夠體力連搏兩場。列支敦士登無錯戰績有所改善,上周末友賽都僅負於奧地利,說穿了奧地利只屬歐洲三流球隊;而且列軍末段連失兩球輸波,體力有問題,4日後再出戰,呢班業餘兵隨時「散班」,丹麥球員一向有體力有鬥志,入波停不了,開「客其他」機會唔細。
「客其他」波膽:7.5倍 開出指數:★★★★

星期三13
盧森堡VS保加利亞

周三全日最睇好可以開「其他」,就是盧森堡對保加利亞;唔好以為盧森堡連續兩仗僅負於荷蘭、迫和拉脫維亞,就可脫離魚腩行列,實情是荷蘭本身有攻擊問題;盧森堡上仗已經作客輸兩蛋俾攻力一般的斯洛文尼斯,休息唔夠4日又要比賽,影響頗大。保加利亞一向擅打順風波,中前場好似馬田柏度夫、貝碧托夫等,個個都識入波,而且保加利亞在歐洲名聲只是一般,需要「攞威」,5倍「客其他」算有分頭,捧得過。
「客其他」波膽:5倍 開出指數:★★★★

星期三14
塞爾維亞VS阿美尼亞

塞爾維亞由西班牙教練基文廸接手,果然有起色,3戰得7分居榜首;不過基文廸擅用穩守突擊戰術,3場波入球率都只是1球,反而入完波就望守到尾,前鋒施積級數,在歐洲都只屬2、3線,中場除咗史坦高域外,高洛文、N高華斯域等都唔係攻得之人,整體攻力稍弱。阿美尼亞主場兩戰都只失1球,唔魚腩得晒,加上同塞爾維亞都屬東歐背景,塞軍冇需要炒咁盡,6倍「主其他」雖然吸引,但開出機會不大。
「主其他」波膽:6倍 開出指數:★★

星期三15
荷蘭VS阿爾巴尼亞

荷蘭是令人又愛又恨的球隊,進攻無疑悅目,不過有點華而不實,而且隊員間經常傳來內訌消息;荷蘭今仗主場對阿爾巴尼亞,已有中鋒古積特因傷退隊,兩位年輕翼鋒尹佩斯和洛賓,亦有貌合神離之感;以荷蘭上仗作客僅迫和保加利亞,今次回師主場理論上唔會再失分,不過對白俄羅斯都只贏3球。相反,阿爾巴尼亞作客唔算太差,迫和過白俄羅斯、烏克蘭,都叫識大勝過聖馬力諾;「主其他」只得4.5倍,不宜追捧。
「主其他」波膽:4.5倍 開出指數:★★★
註:最多5★

總結:球迷喜歡捧強隊,因為強隊一開波已經壓住對手強攻,睇波心情亦會好過點;不過強隊能不能如願大勝,尚有很多考慮因素,以賽制論,歐國盃外圍賽同分先計對賽,而非得失球,已減低強隊大炒動力;加上未來賽程頻密,球星兼顧球會與國家隊賽事,亦有留力必要。反而保加利亞、丹麥只屬歐洲2線強隊,為增加國家聲譽,才有動力在這些場合大炒對手,周三形勢上亦宜捧保國和丹麥兩軍開「其他」波膽。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載