蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年11月16日
馬上成為壹會員

暗寸費格遜老而不休
求驗客手記:摩連奴牙擦有理

車路士領隊摩連奴不愧係牙擦之父,佢最近接受一份報章訪問時講到,自己唔會教波教到60歲先退休,會好好咁享受冇壓力嘅人生。摩連奴呢番說話,咪擺明係寸緊曼聯領隊費格遜,64歲人仲喺度捱騾仔,你估求大俠洞悉唔到咩?
摩連奴𠵱家得嗰43歲就乜冠軍獎牌都攞晒,加上兩年前由波圖過檔車仔簽嘅合約總值成億億聲,真係揸住嚿錢走去環遊世界好過,使乜帶波要受咁大壓力。
摩連奴仲寸到話見到啲60幾歲嘅領隊,個樣呆晒咁喺場邊睇波,又要驚輸波嘅壓力,佢話自己一定唔會咁做。摩連奴咁寸,睇嚟到佢60歲嗰時,肯定係成日落公園同其他阿伯吹水,講自己後生點勁嗰啲人。

叫球迷「大力」打氣禦寒

不過摩連奴牙擦還牙擦,教波真係確有一手,仲係一位好嚴格嘅領隊。車仔近兩場先後大炒阿士東維拉同屈福特4:0,摩帥係就係有讚班球員踢得好,但係就鬧班主場球迷嘅歡呼聲唔夠響。
摩連奴話𠵱家英國入冬天氣咁凍,球迷坐喺觀眾席真係分分鐘變雪條,仲話佢哋應該郁動吓個身體,唱吓歌仔鼓勵球隊;咁做可以禦寒之餘,又畀到鼓勵聲音班球員喎,真係高招。

「我求大俠預咗摩連奴把口唔收,你自己就話老咗唔想教波,唔想有壓力,但好多領隊都覺得帶隊係生活同樂趣嘅一部份,好似卜比笠臣嗰啲我撐硬㗎!」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載