› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

球愛妍情:落吧睇曼車大戰 - WENDY

今晚大家一定會坐定定睇曼聯對車路士,咁啱今晚唔使做直播,我已經約好班朋友去酒吧睇波。
一向覺得啲人去酒吧睇波,未必係因為屋企無裝CABLE,都係想湊熱鬧啫!啤酒係睇波必需品,幾十人一齊「啤啤佢」,現場間唔中又聽到有人為愛隊表現失準而破口大罵,睇波氣氛就係咁樣嚟啦!
平時喺球彩台做直播,都好難專心睇波,好多時每隔幾分鐘就要報即場賠率,咁又有幾十場賽事同時進行,一有入球我哋就要報賽果,再加埋「PHONEIN」,咁忙點專心睇波呢?

着住球衣撐愛隊

記得上年紅魔大戰藍戰士好好睇,費查符符碌碌頂入一球,咁就贏咗,今屆我希望愛隊技術性擊倒對手!呢兩年車仔崛起,喺英超畀人無敵嘅感覺,其實邊有一隊無敵㗎!唔少球隊都開始洞悉點贏車仔,今年佢哋畀我感覺已經無上年咁強,比賽過咗三分一,已經輸過畀熱刺同米堡,新購入嘅球員又未融入,紅魔大有機會㗎!各位曼迷今晚一於着住球衣撐愛隊贏波啦!
WENDY
由歐國盃EuroBabes,變身球彩台受歡迎主持。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載