› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

紅黑盤王:遇西維爾 塔拉戈納等劏 - 牽牛

經過上周歐洲主要聯賽激戰後,有兩支球隊加入「黑盤」大家庭,就係巴黎聖日耳門同華域克;呢兩隊球隊分別踢走咗南特同荷華高斯,成為新晉法甲同荷甲黑盤王。
睇番上周,英超黑盤王韋斯咸真係慘,主場對熱刺受讓平/半,全場大部份時間都贏緊盤,但補時到95分鐘都可以失波輸3:4,贏盤變輸盤,真係絕;韋斯咸輸盤率已經攀升到62%。
今周推介大家專攻西甲黑盤王塔拉戈納對家;塔軍上仗作客畢爾包,受讓半/一都可以贏2:0,唔多唔少有幸運成份,不過塔軍贏波都要付出代價,後防主力明高攞紅牌,今仗要停賽。盤路計,塔拉戈納今季從未連續贏盤多於兩次,以塔軍先迫和華倫,再贏畢爾包,連贏兩次盤,今仗主場對西維爾喺時候輸番凸。

小弟就唔擔心西維爾周中分心歐協盃,話晒上周咁辛苦打低巴塞,搶番個聯賽1哥,加上巴塞今周硬拚皇馬,有失分機會,西維爾點會放心。西維爾作客讓到一球,要贏盤即係淨勝兩球或以上,今次就一於博個「客勝」啦。
文:牽牛

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載