› 選擇地區
三藩市
紐約
洛杉磯
其他美國地區
香港 台灣 北美
 
2007年05月29日

求驗客手記:人工超貴小保加請唔起列基美前路茫茫 - 求驗客

季中由西甲維拉利爾外借到阿甲小保加嘅中場列基美,最近連呢間母會都講明話下季唔要佢,原因係嫌佢人工太高喎。我求大俠不嬲都幾欣賞列基美,佢嘅技術足夠入選阿根廷國家隊有餘,𠵱家列基美前途未卜,睇見都心酸。

「人工全隊波總和」

小保加主席麥尼喺周日同當地電台講,話下季決定唔再用列基美,所以唔會向維拉利爾提出買斷嘅要求;麥尼仲話列基美嘅人工係天文數字,球會絕對負擔唔起佢嘅身價,亦係唔要佢嘅主要原因。麥尼話:「絕對冇得傾!列基美嘅人工已經等如小保加所有球員嘅總和,我哋冇辦法支付呢個數目。」不過麥尼好識講嘢,佢話列基美係阿甲最佳球員,以佢嘅質素好容易加盟其他球會喎,你估氹細路咩?
列基美下個月先夠29歲,話晒都算係球員當打年齡,估唔到佢由小保加高調出道,之後轉會巴塞隆拿都叫威過;跟住過檔維拉利爾事業經已走緊下坡,𠵱家連母會都話唔要,真係幾坎坷。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載