› 選擇地區
三藩市
紐約
洛杉磯
其他美國地區
香港 台灣 北美
 
2008年12月24日

怪誕英足夜:皇馬買人光怪陸離! - 蘋果波神

為了遷就馬里的廸亞拉,剛加盟皇馬的狄亞拉(圖)要改名為拉斯,夠騎呢未?路透社

一年前今天,小弟身處英倫,阿仙奴在倫敦打吡連贏車仔及熱刺兩場,在場觀戰自是興奮莫名,雖然當時滙率高達1鎊對15.6港元,但世界美好未有勒緊褲頭,大箱戰利品運回港派好友;那料到逆轉之快,現在連阿仙奴亦殘缺得被摒棄出bigfour之列,裁員減薪陰霾籠罩在聖誕佳節的上空……

雲格太早沽狄亞拉?

英鎊大貶值(1鎊現只能兌換約11.4元),碧咸越老越精靈,寧願帶住嬌妻去金融海嘯影響較少的意大利,暢遊米蘭市,也不返老家;英超場內空凳漸多,不少中下型班對戰賽事,入座率不足一半,該等球會收入大減,轉會市場快將重開,相信大把可即用好球員沽畀曼城等要擴軍嘅水魚球會;不過近年歐洲球員轉會市場一向水份甚高,最新一員法國中場狄亞拉當屬此類。
歐洲selling club之王荷甲阿積士,忍咗半季,終要賣走已25歲射手亨特拉爾,套現起碼1,700萬鎊係合理同啱價;但西甲強豪皇馬剛又用更高嘅2,000萬鎊購入踢了英超樸茨茅夫不足一年、未證明身價嘅23歲法國邊緣國腳狄亞拉,實在瘋狂。英國小報更借此嘲諷現時一沉百踩嘅雲格,當年550萬鎊已肯放走狄亞拉畀老樸,實在戇居。先撇開雲格蝕章不談,但冇身材、冇控制戰局能力、冇遠射同成日受傷,徒靠後生當打及有走不完氣力,與今季提早收「咧」嗰位原皇馬中場工兵、馬里國腳廸亞拉相比,差幾班。還好西甲防守一向偏差,皇馬粒粒皆星,搵餐晏應該冇問題。

逆市擴軍表面風光

至於回想雲格近十年重用嘅法國工兵,韋拉、比堤屬頂級,法米尼及戴亞比未見底,但狄亞拉級數充其量只是8、9年前嘅基文廸(退休後現為阿仙奴球探),所以走寶,純粹從回報計,可以話沽早咗!但從一年前排序,佢無可能在法比加斯同法米尼之前,佢要踢正選否則離隊,也別無他法。一年前,也無幾人知曉,滙豐(005)股價得番70幾蚊,話仲有得跌!
小弟剛收到該銀行修改信用卡財務費用通知,趁聖誕節當前佢哋竟然將購物逾期還款年利率調高至31.86%,利息之高同借財仔冇乜分別,可見呢間享負盛名嘅世界最大銀行之一求「財」若渴。先使未來錢,都要睇吓乜嘢時勢,皇馬未到季中轉會市場重開,已豪擲逾4億港元掃貨,但今屆睇怕點都追唔到巴塞,歐聯16強戰要硬撼利物浦,未來收益何來保障,逆市而行、光怪陸離,硬要表面風光,小心成為催命符!(8之1)
蘋果波神

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載