› 選擇地區
三藩市
紐約
洛杉磯
其他美國地區
香港 台灣 北美
 
2009年04月12日

冷膽穿雲箭:敲心跳50倍主其他 - 戰鬥員A

西甲唔少球隊都大打進攻足球,亦係筆者選擇大波膽的心水之選。至於日聯球隊,其實也是以森巴風格為主,加上門將水準唔高,容易失球。
川崎前鋒上周中喺亞冠盃終於回復銳利攻擊力本色,作客都大炒中岸水手5蛋,祖尼奴同鄭大世兩位前鋒都有進賬。不過,佢哋作客清水心跳嘅往績幾差,最近5次只得1和4負,而且不乏大波膽,好似06年一季清水心跳就贏過4:3。心跳近期已經解決季初兩場冇入波嘅情況,近3仗都有「士哥」,只要挪威前鋒科迪莊臣及時重拾射門鞋,不難再開大波膽,50倍「主其他」博得過。

博貝迪斯冧攤贏3:1

貝迪斯連和5場當中,竟然有兩次出現3:3波膽,但呢個成績都挽救唔到教練查柏路被炒魷嘅命運。周日作客桑坦德由新帥盧古爾斯領軍,貝迪斯班球員隨時會有另一番新景象,而且首循環曾經擊敗過桑坦德3:1,作客贏3:1有29倍,小注一試。
最後揀拉科魯尼亞贏馬德里體育會,兩隊都為歐洲賽參賽資格而戰,而拉科魯尼亞今季主場勝仗不少都是大波膽,好似贏桑坦德5:3及維爾瓦4:1都反映他們攻力不俗。至於馬體會更加有條件打進攻足球,阿古路、科蘭及麥斯洛迪古斯等全是攻擊型球員。不過,馬體會近況平平,已經連輸兩仗,故博拉科贏3:2。文:戰鬥員A

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載