› 選擇地區
三藩市
紐約
洛杉磯
其他美國地區
香港 台灣 北美
 
2009年05月17日

冷膽穿雲箭:機員上力可銀河 - 藍鑽石

若哥倫布機員的門將希斯馬復出,防線穩定性必大大增強。
資料圖片

本報今日除咗由特約靚女做咗個西雅圖海灣者嘅話題外,都無乜人提美職聯,藍鑽石就喺呢個扒冷欄推介呢個冷門賽事。哥倫布機員久沉後上仗終打開勝門,乘勝追擊作客洛杉磯銀河照贏,波膽吼客軍贏2:1。
作為上季總冠軍,哥倫布機員開季戰績差主要係太多傷兵,但近日十字兵已陸續復出,據報今場連門將希斯馬都可以復出,加埋阿根廷前鋒舒洛圖終於踢番應有水準,碧咸未歸隊嘅銀河莫講話難有優勢,讓波唔慌讓得起,踢落輸埋都唔奇,波膽吼客軍贏2:1嘅11倍半冷膽。

熱拿亞「大」戰基爾禾

意甲波,上個禮拜貼熱拿亞衰咗,同呢隊波冇乜緣份,所以喺意甲大勢都唔推介,僅在此扒冷場景博波膽。熱拿亞為爭前4一定狂攻基爾禾,不過對手亦有護級戰意,你有迪亞高米列圖咩,我都有擅射嘅柏利斯亞;最重要係熱拿亞有多名中後場球員缺陣,連中場馬高羅斯都可能被迫守後。呢場波戰況應該幾可觀,「大」戰難免,波膽首選2:2。
所謂來而不往非禮也,畢傑仔咁捧意甲場,我都推介一場西甲波膽,吼愛斯賓奴3:2贏畢爾包;「愛奴」未護級成功,今仗對住已上安全島嘅畢爾包必勝。客軍剛在西盃飲恨,今場惡唔出樣,但隊波作客又好少冇波入,應該會搞搞震,就吼06年呢個賽序開過嘅3:2波膽再現。
文:藍鑽石

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載