› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

皇子必殺技:風水輪流轉曼城玩鋪大 - Leung

中東風雲,究竟大花筒嘅曼城可以玩到幾耐,相信連領隊曉士都唔知。這支超級巨型班今天喺蚊型盃仔,迎戰起碼以大半隊預備組接戰嘅寃家阿仙奴,值得捱夜一睇,捧入球「大」同兩個「其他」波膽。
昨日電視台報道一則趣聞,據報有位中東酋長早前喺法國一個小鎮,買下牧場同4匹純種馬,準備在那裏栽培牠們,大展拳腳;可惜之後牧場突荒廢冇人理,令這些純種馬現時隻隻不修邊幅大肚腩成野馬;而該小鎮居民,決定將幾匹馬拍賣償還該鎮損失。中東油佬都會係「失匙夾萬」?之前真係甚少聽聞,搞波同養馬都係一樣,呢類玩意投資大,一唔對路,仲唔班師回朝咩,不過走得咁肉酸,都幾頂癮。

小兵博上位定去盡

靠阿布扎比資金嘅曼城,喺剛公佈嘅英超經紀轉會佣金中,花逾1.6億港元,貴過一個被視為今季最佳收購之一的阿仙奴中堅華美倫身價;可惜曼城這位大豪客季初風頭現正慢慢消逝,今晚肯定照全軍出擊,圖破近期悶局。
對手阿仙奴從來唔志在英聯盃,就算當年去到決賽鬥車仔都收起亨利等主力,但一班生牯仔猶如純種小馬一直被球會栽培成才,躍躍欲試在大舞台顯實力,今場好睇咯。博「大」好穩,串射如日方中嘅車仔,副選作客到布力般料照開穩W。(下次見報日:周六)
文:Leung
簡介:不理盤路,不信陰謀論,最重勤力睇波,跟足軍情,吼準一擊。

今日精選

星期三9曼城大(1.72)x星期三10車路士勝(1.48)
星期三9曼城勝主其他(50)、阿仙奴勝客其他(80)
簡評:今天我眼中包括巴塞,只關注3場波。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載