› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

求驗客手記:每日打機7粒鐘 梅禮抵被女撇 - 求驗客

男人從來都係鍾意神秘感,具有挑戰性嘅「物體」就最能挑起佢哋嘅爭勝欲望,如果再加上「冰冷嘅外表、白滑嘅軀殼」,即使係「英國紳士」梅禮都要為「佢」為之瘋狂,甚至搞到同女朋友施雅絲分手都在所不計,究竟係咩咁鬼巴閉,之唔係一部「PS3」囉!
22歲嘅梅禮喺今年網壇名氣大增,世界排名仲曾升上「2哥」之位,仲不時畀傳媒影到佢同女友施雅絲出雙入對;全世界諗住呢對「金童玉女」可以開花結果之時,上周竟然爆出兩人分手嘅消息,外界估計分手原因應該係同第三者有關,最大嘅「嫌疑犯」就係同梅禮「青梅竹馬」嘅蘇格蘭小姐凱薩琳。之不過元凶竟然係一部「四方型」嘅機器「PlayStation3」,搞到施雅絲要同梅禮結束4年感情,真係估佢唔到!

狂迷網球遊戲

全世界嘅男人鍾意打機忽略女朋友,簡直就好似一個定律咁,梅禮佢每日就用咗至少7個鐘頭去打機,玩嘅當然係佢嘅強項「虛擬網球」啦!搞到梅禮隻眼只係識得望住部「冷冰冰」嘅電視機,冷待女友施雅絲,佢唔嬲至奇啦!施雅絲身邊密友就話梅禮冇做男朋友嘅責任,根本冇計劃將部份時間陪佢,聆聽佢講心事、行街睇戲食飯等正常任務喎!
之不過我求大俠覺得奇怪嘅係,「打機狂迷」梅禮又唔係第一年開始沉迷打機,點解今次施雅絲要搞到分手咁決絕呢?唔通呢個係施雅絲嘅一個「苦肉計」,希望梅禮「回頭是岸」?你知啦,如果梅禮係咁打機打到天昏地暗,遲下容乜易連稱霸網壇嘅事業心都冇埋,變咗宅男o架!其實,連本港一向沉迷打機嘅「伊麪」,最近都積極工作,做番大俠之餘仲開演唱會,梅禮不如努力練習球技贏番個大滿貫,比起淨係識喺虛擬網球贏波仲實際啦!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載