› 選擇地區
三藩市
紐約
洛杉磯
其他美國地區
香港 台灣 北美
 
2010年02月10日

求驗客手記:禪師、蘇拿大不同 - 求驗客

金融海嘯雖然好似平息咗,其實餘波都仲影響緊歐美職業體育界;球員減薪就時有所聞,家連教頭都冇倖免,好似NBA湖人嘅積遜,同英超嘅蘇拿,未來都面對減薪潮,當然,以教練身份攞過10次總冠軍嘅積遜,之前搵落唔少,點都比第2季領英超嘅蘇拿風光啦。

湖人教頭風流工

美國經濟仲未全面復蘇,NBA嘅管理層同球員工會代表,就會趁明星賽期間坐低傾傾2011年起嘅新勞資協議;據聞資方希望將現時薪酬大幅削減5成,最高頂薪只出到5年6,000萬美金(約3.9億港元),甚至連10年新簽合約,都有追溯權減薪。
要減薪,教練又點可以避免;湖人呢個總冠軍,都可以話用錢打造,今季球員總年薪突破9,000萬美金,教練積遜都唔少嘢,年薪高達1,200萬美金。湖人班主畢斯講到明裁減班費,64歲嘅「禪師」話:「成個聯盟都講緊減成本,教練更加首當其衝。」

韋咸護到級都要減

「禪師」有晒減薪準備,其實對佢嚟講,做教練簡直係風流工,之前帶公牛同湖人贏10次總冠軍,起碼袋走幾千萬美金,又出書又出席活動已經夠過世。而且積遜個女友積妮斯畢斯,根本就係班主個女,當豪畀畢斯,之後娶佢個女份禮金都可以畀少啲。
英超好多隊都唔掂,韋斯咸原本有新班主接手,以為財政冇問題,點知都仲好唔掂。家蘇利雲同高特接手,韋咸仲有1億鎊債(約12億港元)跟尾,蘇利雲講到,如果現時排第18嘅韋咸真係降班,對球會就猶如「世界末日」;不過就算成功護級,蘇利雲都要球隊上下職球員減薪,節省25%開支;領隊蘇拿、高薪球員好似柏加、厄遜都冇走雞。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載