蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年09月16日
馬上成為壹會員

求驗客手記:同志球星拍4仔
後防失手 - 求驗客

性在心中難開口,何況係有龍陽之癖?不過前比甲梅赫倫球員迪花高(JonathanDeFalco)懶理世俗眼光,公開非男不愛嘅性取向。佢脫離球圈,唔用對腳,決定全情投入同志圈,挺起胸膛兼挺硬腰板拍同志小電影。純愛AV?非也,佢谷起6嚿腹肌,一副4仔戰鬥格,人各有「志」,一副關你鬼事嘅模樣,最緊要happytogether。
現年27歲嘅約拿芬迪花高,身高5呎10,體重170磅,擺明係踢波料子,不過呢位比利時兵今年因為比賽受傷,決定掛靴退出球壇。佢喺球場上司職後衞,守後一流;喺情路佢就完全唔介意「後防」失守,近排開始以費干尼(StanyFalcone)為藝名,全情投入3、4仔事業,寓工作於娛樂。不妨睇睇電影對佢嘅描述:「佢係其中一個令人㷫烚烚,令人欲仙欲死、氣喘喘任人魚肉嘅壯漢。佢一副俊美臭皮囊、一身雄健肌肉,簡直完美。」佢嘅作品,喺歐美同好多國家都有得睇,斷估反應唔錯。

迪花高斥球圈多歧視

「以前我都有過女朋友,不過只係對男人有feel,自從20歲開始就喺同志圈打滾。不過,我踢波時冇人知,如果我嘅性向俾人知,就肯定有好多問題。」對於世俗眼光,佢一臉不屑:「足球世界似乎仲未開放畀男同志,當中有太多歧視、太少包容。」迪花高冇講錯,喺足球圈有幾多係男同志冇人知,而對上一位願意公開同志性向嘅名將法辛奴(圖),就喺球員時代備受歧視,據聞最後佢仲喺性侵犯事件後承受唔到壓力,於是走上自殺絕路。
時代進步,唔知大家接唔接受到迪花高,佢就話之你,講明「好享受拍同志電影」,會繼續敬業樂業喎。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載