蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年06月09日
馬上成為壹會員

現在直播室:心水名家 - 馬啟仁

原來鄭兆聰是我這個月鄰居之一,真不知道其中文越來越好(肯定是編輯大佬的幫忙吧,呵呵!)
Ricky是個可愛的拍檔,但最近卻有點討厭他,不是因為其胸肌,而是估唔到佢會轉軚,入廠前大家在吹水時,Ricky透露了他今屆睇好的是德國,而不是他的半個祖家西班牙,這完全超出了我對他的看法,有冇搞錯。明明識講西班牙文、傑志隊友亦多狂牛兵、再加上近年主力評LaLiga,今次竟然手指拗出唔拗入?大概這就是專業和業餘的分別吧,「鍾意邊隊一回事,邊隊可以贏冠軍又另一回事!」好一個鄭兆聰,都話你中文越來越好了,面對這位仁兄,我唔敢着阿根廷波衫。喂!劉舜文,你啲德國波衫都要收埋先。
邊隊會贏?節目拍檔梁榮忠獨樹一幟,他身先士卒以200蚊來支持主辦國烏克蘭攞冠軍,大哥瑜聽到之後表示願意幫忠仔保管投注額;馬會可放心,我會密切留意大哥瑜的一舉一動。
開幕後,坊間氣氛突然大躍進,睇各大名家文章就已經眼花,而我都有心水名家,是為堅哥蔡文堅。早兩天與堅哥下午茶,喜見他行動靈活,精神飽滿,大家一坐下就口沫橫飛,我還擔心堅哥要中場休息,豈料堅哥話:「唔使,醫生叫我呢段時間不妨講多啲嘢,傾多啲偈!」醫生梗係認得你係講波嘅,結果一席話傾咗3粒鐘。臨別贈言,堅哥話我知佢會睇歐國盃不特止,仲會響fb寫賽後分析,我就等住睇嘞,你都想睇?咁就提提你,堅哥嘅英文名同簡東拿一樣,都係Eric,都係打不死。

Keyman
now節目主持

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載