› 選擇地區
三藩市
紐約
洛杉磯
其他美國地區
香港 台灣 北美
 
2012年06月11日

蘋波心經:串瑞典 減風險增回報 - 蘋果波神

星期一本來係打工仔埋首工作嘅開始,但碰巧,今晚卻安排了一場幾年難得一見嘅歐洲足球傳統宿敵大戰、英法對決;12點開波又唔係太夜,齋睇都感受到對抗性極強,你我都心動了。不過票數近周緩緩全線押向法國相關彩池,我倒有少少動搖,始終未看過唔安心,賠率比前乏味,感覺自不良好;反而經丹麥上周末爆大冷痛擊荷蘭後,倒想將部份玩「法」注碼,過關射向瑞典冷W,減風險增回報。
係現今足球比賽,就算國與國之間,其實大多冇所謂戰爭唔戰爭,有時都係傳媒為咗增加話題性、免費為球賽添加張力。自從法籍領隊雲格90年代中期進駐阿仙奴,大量引入法兵法甲外援,取得極成功嘅一個時期;其他球會自爭相仿效,法甲成為英超聯列強嘅強大入口來源,兩國係足球場上互藐嘅感覺亦淡化不少。今天英法對決,兩軍不少球員喺球會級對賽見慣面,表面看來,弱陣英軍當然會被看低一線;但法國陣容也欠神秘感,要對付卡巴耶、賓艾化同拿斯尼等英超兵,「保守大帥」鶴臣主理嘅英軍,或有一套辦法。平手盤,開和局冇交手一啲唔奇;要齋賭兩嚿水法國執得百五蚊,個人胃納一般。
全世界講到天花龍鳳、或者明知唔多掂,但情感傾注嘅荷蘭,一開波負於以為同組最弱嘅丹麥,落得擁躉、專家都一地眼鏡碎,成個facebook版面都馬後炮話佢哋係爛橙,我欲無言。樂觀啟示係北歐兵體力及戰意,去到打真軍一啲唔弱;今晚主辦國烏克蘭首度出師,要讓實力比丹麥略勝半籌嘅瑞典,小心伊巴單箭頭夠殺個冷W回來。
文:蘋果波神

今日心水

熱:法國(平)
冷:瑞典勝

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載