› 選擇地區
三藩市
紐約
洛杉磯
其他美國地區
香港 台灣 北美
 
2012年06月14日

蘋波心經:鋼膽狂牛射克仔 - 蘋果波神

次輪開打,果然變激,睇波蘭迎俄羅斯頭70分鐘,好似世界大戰;今晚C組波,原本早鎖定克羅地亞下盤加W,但1哥西班牙更似穩食魚腩愛爾蘭,[-1]有1.8倍,1哥肯現真身,入球騷可期。
各隊嘅真面目,第二輪一定會見得更多;前文提過望主辦國波蘭能改善推進節奏,將威力平均發揮喺90分鐘比賽;結果佢哋周二晚喺落後情況下扳平,即同俄軍齊收夠籌,好似怕邊隊輸波後發生球迷大暴亂咁,小弟博冷W失手,冇怨言。純計發揮,波蘭仗比仗好,下戰鬥捷克,平/半上盤可早買,贏唔到出線都唔似輸畀你。俄羅斯果然係爭標黑馬,不過捷克冇路斯基表現即跌watt;但前者就咪信晒另一位仲係阿仙奴人嘅艾沙維。波蘭能反客為主,多得佢老哥莫氣兼從來唔助守,雲格棄之逐回祖國,有道理㗎。
今晚重心,原定係嗱住3分喺手、慢慢同你打反擊嘅克羅地亞,力足再擒褪色意軍;後者上次畀西班牙逼和,譽滿欄邊。不過提防因狂牛未盡全力,意軍得以喺有限人腳,發揮到有威力嘅突擊,今鋪要焗攻,小心克軍打突擊比上仗圍揼愛爾蘭時更勁。下盤加W從冇動搖過,亦懶理意軍2.2倍W似好筍,小弟自己演繹係莊家都唔睇好,東歐隊今季暫時盤路幾好㗎。
但講信心,莊家同波友一樣,今日必向狂牛圍飛;上次冇鋒陣兼賴地硬,今次遇見呢隊越睇越似英超下游聯軍嘅愛爾蘭,老查話出埋約拿芬禾達斯打雙箭頭,聽到都想笑,就博佢哋破到蛋;玩波膽好分好多,又可減低齊捧大熱齊失手嘅風險,希望醜嘅唔靈啦。
文:蘋果波神

今日心水

熱:西班牙[-1]
冷:克羅地亞W

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載