› 選擇地區
三藩市
紐約
洛杉磯
其他美國地區
香港 台灣 北美
 
2012年06月18日

現在直播室:被抽水的人 - 馬啟仁

據說周末A組最後一輪賽事,很多球迷頂唔住一早瞓咗,除了因為積累成疾,也為昨晚的B組大戰charge足電;亦即是話今朝這個星期一,街上和公司裏應該充斥着「烏眉恰睡」之輩,而大家都忙着上網,上天文台的網頁check下幾時打8號風球……
B組邊兩隊能夠出線,直接影響本年度世界足球先生是誰。黐線!家陣講緊國家盃的國家大事,個人小事有乜好提呢?呵,咁你試吓訪問C朗,睇吓佢緊唔緊張吖!
第2場分組賽後,有記者就不知好歹咁問C朗,點睇現場球迷嗌美斯個名,C朗被撩起把火話:「你睇佢上年美洲國家盃都係入到8強之嘛!」嘩!小器到呢,又或者你可以欣賞佢真性情嘅;若果佢客氣一番,講幾句客套話,你又會話佢假嘅啫。
講C朗,實在太容易走入抽佢水呢條路,情形就似講本地球員提起陳七,又或諗起講波佬就會講到Peter兄咁,都係好易講吓佢哋笑,抽些少油水,認真唔好意思。C朗在球會入波不及美斯,但其實聯賽冠軍嘅含金量一定高啲,若果葡萄牙能夠入到8強,C朗又入番一兩個重要入球的話,世界足球先生就好應該係佢;真係唔好再寵壞美斯嘞,若果今年佢咁樣響大賽失準都照衞冕的話,日後真係好難再有動力進步。
若果C朗out了,咁另外幾位一線人馬就有機爭世界足球先生,但前提係必須要攞到歐洲國家盃;尹佩斯唔敢包、賓施馬有機會、派路唔錯、朗尼令人萬眾期待,我心水呢,就係大衛施華。
Keyman
now節目主持

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載