› 選擇地區
三藩市
紐約
洛杉磯
其他美國地區
香港 台灣 北美
 
2012年10月02日

煞科日發力狂追
歐洲隊奇蹟捧盃

喺美國伊利諾州麥地拿高球場舉行嘅萊德盃,去到最後一日嘅單對單比賽,出現戲劇性戰況;頭兩日落後嘅歐洲隊,喺呢日發力狂追,美國隊孭飛打最後一場嘅活士贏唔到,客隊以總分14.5:13.5反勝,奇蹟衞冕萊德盃。

相關新聞:活士灑脫累莊家輸錢

麥艾萊領軍反勝

歐洲隊首發3位球手,當奴、羅尼同麥艾萊順利擊敗對手,將首兩日比分10:6嘅劣勢追平,球隊即時氣勢如虹,甚有反勝嘅氣勢。雙方之後咬住咬住,要鬥到最後一組,活士對莫利拿尼場波嚟分勝負,最後雙方打和,各得半分,歐洲隊單日狂掃8.5分,得以衞冕萊德盃。
助客隊將比數推到14:13嘅德國球手基馬,喺贏咗自己場波之後,即時衝埋去攬住隊長奧拉沙保。佢賽後話多得德國名將蘭格幫助:「從來未試過咁興奮,上周六我同蘭格傾過兩句,當時我哋有講過萊德盃,因為我覺得自己嘅比賽態度唔夠正面。第一日我打得好差,我想打得好啲,所以先會搵蘭格。」佢仲好多謝隊友嘅支持:「加西亞衝咗入嚟恭喜我,仲有好多其他人,我感受到贏萊德盃嘅喜悅。」

美國隊長撐到底

至於美國隊長盧夫就完全唔怪球員,最後一日嘅表現不濟:「我都冇晒計,其實我哋都打得唔錯㗎啦,要做嘅已經做晒。我同唔少人打過一隊,但係呢一隊係最好嘅。」都係嘅,對手3大球手今日交足功課,主隊輸只可以怪「蜀中無大將」。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載