› 選擇地區
三藩市
紐約
洛杉磯
其他美國地區
香港 台灣 北美
 
2012年10月02日

活士灑脫累莊家輸錢

活士一場都贏唔到,輸到自己冇眼睇。路透社(路透社)

活士呢幾日冇贏過波,最後一日對住上一屆單對單嘅手下敗將莫利拿尼。嗰陣球隊以1分落後,活士就算贏咗,雙方總分打和都係衞冕嘅歐洲隊捧盃;「老虎」見到咁嘅形勢,就好灑脫咁放棄最後一洞唔打,雙方終於打和各得半分。活士咁灑脫係好有風度,但莊家真係多得你唔少!

相關新聞:煞科日發力狂追歐洲隊奇蹟捧盃

失盃卸膊兼黑面

輸咗個盃之後,活士個樣仲黑過平時,冇打第18洞嘅佢,仲唔肯將敗因歸咎於自己身上。佢話:「喺得呢度,贏係一齊贏,輸都係一齊輸。恭喜歐洲隊,佢哋打得好好,呢個盃佢哋應得嘅。」冇錯,客軍最後一日真係打出超水準,但係到緊張關頭,所有人都指望你呢位高球史上最出色球星可以孭到飛,你咁講真係有點兒卸膊。
活士仲話就算佢贏咗第18洞,最多打和,點都阻止唔到歐洲隊保住個獎盃。佢話:「去到第18洞時,其實已經完咗,我哋係一個團隊,呢個係團體戰。就算我贏到,個盃都係畀歐洲隊留住,所以完成比賽已冇意義。」你覺得冇意義,但係賭波公司唔係呢,聽講因為你最後一洞棄權,買咗歐洲隊嘅波友笑晒,威廉希爾就輸咗成50萬鎊(約630萬港元)!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載