蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年11月04日
馬上成為壹會員

體育開講:四萬九係你老友 - 馬啟仁

睇軟硬鬥草蜢應該滿足得到大家來懷個80年代的舊,不過最舊的唔係那一串「這晚這晚會熱到爆炸」的medley,而係用比賽形式來串連起整晚的show,非常之紅白歌唱大賽暨龍鳳呈祥賀台慶。明明係睇演唱會,加上咗分數同勝負之後,台下反應就立即增強咗10個分貝,大概係因為牽動咗人性底層嗰條神經線;嗰條線係用嚟分開自己人同對頭人,一擺條線落去,非友即敵,世界即刻易明好多。娛樂show加添比賽味時,運動世界亦不斷滲入八卦味道,小美斯前兩日呱呱墮地,名都係啱啱改好冇耐,叫做Thiago;網絡上已經為呢位名將之後算定前程,最緊要係幫佢捏定個未來死對頭,就係C朗個仔!傳聞話C朗大過美斯869日,而咁啱得咁蹺,C朗個仔又比美斯仔早咗869日出世;如此這般坊間就話,老豆嗰筆未算得完,兩個仔日後亦將會一樣咁好波,兼一樣會響球壇鬥生鬥死咁話。劇情之老土如同武俠小說,但係我哋班麻甩佬就係要呢啲嘢囉……死對頭加正邪加復仇加上一代恩怨加下一代纏綿,就組成一套麻甩佬之師奶劇,夠你個個禮拜追餐死。《蘋果》日前新聞一則,話調查顯示英國男人認為人生最開心嘅事,排第1唔係結婚而係生仔做老竇,拉埋天窗只係排第2啫。唔奇吖,過來人一早話結婚係甚麼墳墓啦;相比之下老竇見到仔女時,人生確實係突然光明得遠咗好多,直到遇上換片扭計返學撇甩老竇老母時,你先至會夢醒。所以呢個調查裏面第3個多人揀嘅選擇就有啟發性嘞,係愛隊贏波呀!贏波係人生最快樂?咪住先,係贏世界盃定歐聯定英超定港甲先?矜貴程度有別喎,不過就算當你4年一度都好,始終每個球迷人生裏面就會有9萬幾個機會可以享受人生高潮!嘩,真係抵到呢,球迷都係着數得多。仲有樣bonus呀,就係球迷自動會多咗一班死對頭喎,嬲起上嚟都有目標鬧吓吖,49,000又係,死利X又得,發洩出嚟就舒服得多。相反做老竇同做老公呢,永無人幫拖不特止,仲要通常男士都只可以做輸家先會天下太平,計落都係做球迷最幸福。文:keymannow TV主持mailto:keymansoho@gmail.com

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載