› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

我哋有嘢講:
我肥得有價值

「鏈球男」林瑋去年兩破香港紀錄,今年有望出戰天津東亞運。

「我很肥,但我好輕盈!」已故藝人沈殿霞腳踏雞蛋,拾級而上,多麼經典的一幕。田徑場上,視7.257公斤重的鏈球如雞蛋者,不是人見人愛的開心果,而是體重近300磅的大肥仔──香港鏈球紀錄保持者林瑋。
記者:林湛穎 攝影:馬泉崇部份圖片由受訪者提供

數去年的本地田徑界風雲人物,跑入倫奧的男子4x100米接力隊是必然首選,至於一向毫不起眼的田項,主角就是一位41吋腰、284磅的大肥仔林瑋。逾7公斤重的鐵鏈球,重量比一包金象米更重;但他輕易地「連人帶波」,高速自轉數圈,然後眼望前方一片青蔥草地,用力一扔,鏈球呈拋物線墜落地。測量儀顯示出距離為60米04,就是他去年10月底刷新的新香港紀錄;舊紀錄為59米36,是他自己在去年6月所創。
60米,相等於5輛雙層巴士的總長度,然而,旁人所關心的是林瑋的體重。用時下流行的BMI體重指數計算,得出結果是37.5;根據指引,30以上已是癡肥。他說:「以前我一餐食3、4碗湯飯,屋企都有埋怨我食咁多,𠵱家晚晚都只係一碗白飯。」

減咗30磅自覺「弗」爆

「BMI唔適合於運動員㗎!」旁人以為他飲食失控,但事實上林瑋比一般人更自律。同學們溫書,桌上總有薯片、餅乾和朱古力伴隨;這位在柴灣IVE讀大專的兼職運動員耍手擰頭,「太重,個人會鈍,為咗鏈球我決定減肥。」年幾前,他重逾310磅,一減便是30磅,身上仍穿加加大碼(XXL)的運動衣,但這一刻,他自覺「弗」爆。

「俾人笑『肥仔』、『肥豬』都習慣晒,我肥得有價值!」林瑋中學時在機緣巧合下練鏈球,想不到昔日被同窗嘲笑的「肥豬」,現在每次本地比賽都以無敵姿態出場,拋離亞軍廿多米奪標,更成為港績保持者;今年還要挑戰65米,及參加10月天津東亞運;就好比沈殿霞當年腳踏雞蛋,一步一步踏上去,嘲笑聲越大就越要上,「『肥姐』係我心目中嘅『神』,肥人界嘅驕傲,佢嘅事迹話畀我知,肥人都得㗎,我個目標就要做個不平凡嘅運動員!」

14歲妹妹同樣扔得

哥哥有心有力,14歲的妹妹凱翎亦受感染,舉起女子專用的4公斤鏈球,扔過38米,距離40.92米的港青紀錄不遠。「同學好驚訝,原來我識得玩體育,我接受我係肥,你鍾意就笑囉,把口生喺人地度,但呢樣唔係我人生障礙,起碼喺鏈球贏你。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載