› 選擇地區
三藩市
紐約
洛杉磯
其他美國地區
香港 台灣 北美
 
2013年04月09日

咖喱牛腩:政治家阿巴(下) - 咖喱

千禧年前夕,俄國變天,葉利欽辭職,普京代任總統。普京初頭都怕咗別列佐夫斯基呢啲大財閥,向佢哋承諾以往所得嘅利益不變。別列的徒弟阿巴莫域治決定投靠普京,選擇低調;但別列就係想普京做佢嘅扯線公仔,不斷用佢嘅影響力逼普京屈服。
KGB出身的普京唔肯做傀儡,反擊別列,告佢貪污同詐騙,令別列流亡英國。阿巴睇到普京嘅可怕,佢知普京唔會容許國內有人威脅到其權威;作為別列的大弟子,雖然已經投誠,但阿巴都想諗方法令普京安心。03年,阿巴買起車路士,長居英國,從此喺球壇出名,並淡出俄羅斯政界。就咁睇,車路士似係阿巴令普京釋疑嘅工具,等普京以為阿巴冇政治野心,掛住玩足球。睇得中國歷史多嘅球迷都知,唔少古人都用縱情聲色呢招避開皇帝嘅追殺。
相反,別列唔識死,喺英國都仲批評普京,又諗方法想反擊普京,所以佢成日都被暗殺,但命大死唔去;不過,別列不事生產,勢力如江河日下,老婆走佬;早前師徒反目,狀告阿巴詐騙,要佢賠65億美元,最後英國法院判別列敗訴,要賠番1億鎊(夠買兩個費托)畀阿巴。到上月底,一代俄國政壇教父別列離奇死於浴室。姑勿論佢嘅死有咩內情,相信阿巴都會有兔死狐悲嘅感覺,而且更清楚明白,一日普京仲當政,佢都要「專心」搞車路士。
另外,小弟覺得阿巴喺車路士當家嘅作風都幾似普京,喺球隊內威脅到佢權威嘅,都要被送走。摩連奴被炒,林柏特不獲續約,泰利冇正選,不就是呢位「車仔普京」嘅手段嗎?文:咖喱

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載