› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

方心假期:
X字頭大混戰 - 方栢翹

30歲就好似簡東拿(圖)咁掛靴?不如開番個group chat,約埋班朋友踢波,好爽㗎!

「小球場一班耆英,跑全場死捱……啤酒兩打隊晒,身己有得好快……」林海峰應該好鍾意踢波,兼且非常身同感受,先寫得出「男子組」咁到嘅「3字頭」球迷心聲。30歲就像一條界線,開始感到自己在球場跑得越來越慢、越來越怕曬、同越來越快冇氣。就算自己有心有力,你的隊友,亦漸漸會因為加班、陪老婆、湊仔、逐個遠離你;就算你仲唔放棄,積極搵腳,發覺得番後生10年的生牯仔先會到場,令你變得更慢、更怕曬同更快冇氣,形成惡性循環。
任何公司或組織舉行有比賽性質的足球活動,你更加唔敢參加。因為怕被撞瘀踢傷,好可能係冇人掂你都會自己受傷;最重要,係已經適應唔到比賽節奏,令你根本享受唔到足球嘅樂趣,連自己都嫌自己阻住地球轉……結果,就似我咁,遠離咗球場1年。
以前,我呢類人就會同簡東拿一樣,30歲就掛靴。感謝whatsapp出現,上周收到老友「X字頭大混戰」chat group嘅訊息,極速集齊年齡介乎20至50嘅波友。各人自備白色深色球衣各一,臨場分隊,早到踢先;唔夠人?可以9對9、8對8,自由龍。這樣便確保冇激烈競爭、冇超班對手。每邊有3、4個好跑得,又有3、4個唔係幾郁得:跑得快嘅,自然有快嘅人招呼;跑得慢嘅,亦夠膽喺後場扭波,各人志在享受球場上奔跑的感覺;最興奮,係我發覺自己仲識得入波!
各位遠離球場已久的3字頭,係時候開番個chat group,add晒合資格嘅聯絡人入去啦!
方柏翹
now足球評述員

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載