› 選擇地區
三藩市
紐約
洛杉磯
其他美國地區
香港 台灣 北美
 
2013年07月17日

求驗客手記:
力壓紅魔巴塞 皇馬最值錢

巴塞隆拿同皇家馬德里喺西甲鬥生鬥死,巴塞上季就喺皇馬手上拎番西甲冠軍,不過今次輪到皇馬贏番一仗,美國財經雜誌《福布斯》公佈2013年全球體育會價值排行榜,皇馬壓過曼聯升上第1,巴塞都只係排第3咋。
雖然皇馬上季冇主要錦標,教練摩連奴都走埋,由安察洛堤接手;不過論金錢威力,皇馬始終勝過巴塞。《福布斯》周一公佈全球體育會價值,皇馬由上年嘅18.8億美元(147億港元)急升至33億美元(約257億港元),以1.3億美元壓過曼聯升上第1,英式足球球會就威晒,包辦前3名,巴塞排第3,美職棒嘅洋基同美式足球球隊達拉斯牛仔,就排4、5位。

巴拿比奴開賭場吸水

皇馬價值大升,除咗呢幾年獲得巨額商業贊助,3季間總收入增加62%外,佢哋計劃喺主場巴拿比奴球場擴建酒店同賭場呢個大計,亦預期每年為球會帶嚟數以千萬美元計嘅收入。財可通神,皇馬今夏收購新兵,雖然名氣上唔及巴塞「單天保至尊」嘅尼馬咁勁,但勝在平均,3線都有具潛質新星加入,好似艾斯高、伊拿拉文迪等,皇馬又唔等錢使,阿仙奴、拿玻里嘅目標希古恩,更加抬高價到3,500萬至4,000萬歐元轉會費,先會考慮放人。

希古恩體測露玄機?

皇馬一眾主力亦都陸續歸隊,周一開操預備8月初美國之旅;希古恩亦進行體測,不過唔係傳咗好耐嘅阿仙奴,而係皇馬隊醫幫佢做體測,之後佢仲隨隊參加首課操練㖭。除咗一眾新兵,加入教練團嘅前球王施丹都係焦點,練習期間同肥安有講有笑,始終佢加盟皇馬前,喺祖雲達斯都同肥安合作過,肥安大可以當佢係「西甲盲公竹」,不過一朝天子一朝臣,摩連奴時期擔任助教嘅卡蘭卡,宣佈離開皇馬嘞!

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載