› 選擇地區
三藩市
紐約
洛杉磯
其他美國地區
香港 台灣 北美
 
2013年07月31日

方心假期:點救大球場 - 方栢翹

本來一眾紅魔賣力炮製7個入球的精采球賽,令人暫忘大球場的千瘡百孔;但聽罷官員言論,又無名火起:有人仍說大球場質素差因「連日密集比賽」;但上周三有到場的球迷都知,首場比賽首30分鐘,大球場已全面崩潰!絕非踢罷3個比賽日才變差。死因明顯是保養差、難去水,以至雨中踢半場波便現形。想抵賴,唔該都搵個合邏輯嘅藉口!
如今,大球場前路如何?方法一,既然英超球星連無草平地都踢到波,不如索性轉做硬地場!包冇積水,做埋年宵都得!
正經啲,方法二,重鋪球場事在必行,還要全面追貼國際級管理;但成本要幾多?奧脫福等一級球場已轉用全新的真草纖維混合場,真草加上3%加固纖維,令草地更耐用。但建造費比舊式草場貴近3倍;加上新式保養技術:天陰要曬太陽燈、翳熱要用數十把人咁高的大型風扇通風、還有專業護理團隊等。但我相信由香港管理,再靚的草種和技術,好快都會淪為爛泥地。
既然香港一直欠缺資源能力管理好真草場,方法三,何不大刀闊斧,將所有訓練、比賽球場轉為仿真草?我知有球圈人士會以「球員難適應」、「較易受傷」等理由反對;但難道仿真草會比這刻的「大農場」更難適應和易受傷?大家又知否如美職聯、俄超、意甲等一級職業賽,不少球會已轉用最新技術的仿真草?今次醜成咁,希望會是突破的契機。
方柏翹
now足球評述員

【動主播召喚 敢你就來】
立即報名: http://anchor.nextmedia.com

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載