› 選擇地區
三藩市
紐約
洛杉磯
其他美國地區
香港 台灣 北美
 
2013年08月05日

求驗客手記:
越南Running man
跑到入廠

正所謂「精誠所至、金石為開」,越南籍阿仙奴球迷田武軒,趁兵工廠上月中訪河內時,追阿仙奴隊巴幾公里,博到大軍注意,一跑成名;上周六阿仙奴主辦嘅酋長盃首天比賽,主隊更邀請佢到阿聯酋球場跑圈,作為廠迷此生無憾啦!
呢單阿仙奴Running man事件,發生喺7月中,阿仙奴展開亞洲之旅第2站──越南,田先生呢位熱情廠迷,由機場開始一路追住阿仙奴隊巴,跑足幾公里,期間佢又撞樹又撞欄,都冇放棄;呢個充滿韌力嘅舉動,令阿仙奴都好感動,隊巴終於停車,等田先生上車同一眾球員握手,領隊雲格仲喺佢件波衫上簽名。
阿仙奴將Running man事件擺上網,已經超過100萬點擊,田先生成為網絡紅人;阿仙奴今次包埋佢食宿同飛機票,請佢去倫敦睇酋長盃,首日比賽阿仙奴對拿玻里開賽前,更畀佢喺阿聯酋球場中圈喪跑,接受其他球迷祝賀,德國前鋒普多斯基更加同田生合照,然後擺上個人「面書」㖭!

雲格:買人如買樓

講起韌力,阿仙奴對拿玻里都算有啲韌力;由賓尼迪斯接手嘅客軍,上半場由恩斯治尼同彭迪夫各建一功,領先2:0。換邊後,兵工廠先由基奧特嘅美妙倒掛破蛋,再憑哥斯尼喺86分鐘頭槌建功,逼和2:2。雲格以前同賓帥都有過節,今次唔使輸波,都叫保住少少面子。但當賽後又俾記者問到幾時買球星時,雲格將買人拉到去買樓,佢咁講:「球會想收購球員,就好似向鄰居講:『我要買你間屋』,鄰居當然唔會愉快,又要喺價格上角力。」不過雲格講買球員講到咁難,但係曼城、皇馬等,買人又會咁容易嘅?

現在台直播補鑊

英超即將開鑼,收費電視現在台全程直播酋長盃,當係小試牛刀;不過首日比賽原本公佈621同635台直播,但結果只喺621台直播,無裝英超plan嘅觀眾就睇唔到,有讀者仲投訴現在台網頁公佈失實㖭!好彩周日比賽補番鑊,635有得睇。

五六年拍一部戲?講到嬲嬲哋,肥佬黎教王家衛拍戲!
想睇今周足本《亂噏24》?蘋果網站動Live預埋你。
http://bit.ly/appletalk24

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載