› 選擇地區
三藩市
紐約
洛杉磯
其他美國地區
香港 台灣 北美
 
2013年09月18日

柏案驚奇:
我冇份話事「價」! - 方栢翹

達寧(左)以500萬鎊過檔韋斯咸,或會令人覺得「物有所值」。資料圖片

加里夫巴利在皇馬「地標戰」正選上陣,與C朗組成「地上最豪」雙翼;但實情剛傷癒的巴利掂波唔多,明顯狀態未足。有幸右閘丹尼爾卡華積的傳中,讓巴利加盟首仗即有波入;否則皇馬是役和波失分,未知外間給予巴利的評論和壓力會如何?
球迷評價球星,喜歡以其身價來衡量:「咁都射唔入?點值3,000萬鎊身價?」但大家有否想過,這「身價」其實係球星本人「冇份話事『價』」? 就好似09年賣400萬一層樓,𠵱家賣600萬,你買完都唔會話:「又冇大到,個景又冇靚到,唔值呢個價!」值與唔值,其實只因有冇人買同賣,與「件貨」本身無關。C朗8,000萬鎊身價,於皇馬近3季平均每季入55球;照計,8,500萬鎊的巴利咪要每季入59球先叫「符合身價」?我相信唔少球迷真係咁諗。
這類「無辜」背上高價標籤的球員,在英超特別多,我第一個想到的是當年加盟曼聯的貝碧托夫。「3,000萬鎊喎!入得9球?咁水皮㗎?」其實撇開他偶而場上「懶懶閒」,加盟首季有9個入球及9個助攻,全隊近3成入球都關佢事,怎可否定他對當屆聯賽冠軍的重要性?如果當年貝碧只賣1,000萬鎊,大家又會否改口「好勁喎佢」?達寧2,000萬鎊過利物浦,個個話佢「麻麻地」;今日500萬鎊過韋斯咸,大家又覺得「踢得幾好喎!」其實達寧都係專心踢自己嘅波;未知巴利可否有這「安靜踢好波」的福份?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載