› 選擇地區
三藩市
紐約
洛杉磯
其他美國地區
香港 台灣 北美
 
2013年11月20日

呂中豪傑:地下鐵碰着他

到達目的地的梅迪薩卡(左)與艾達(右)興奮地拍照留念。互聯網

英德大戰前夕,敵意極濃嘅德軍賽前不斷放狠話,車路士前鋒舒賀爾尼帶頭掀起「口水戰」,直指朗尼未夠班踢德國隊,再有名宿波歷克明寸宿敵唔同「呢」,「三獅」邊有德國咁多歷史包袱(冠軍),充滿火藥味。不過德國國家隊周一突然玩親民,成班球星連同主帥路維,竟然有專屬旅遊巴唔坐,選擇搭地鐵去溫布萊操練,明顯大軍作客前夕,心情仍然相當放鬆。
相信唔少球迷都非常羨慕可以同德國球星「夾鐵」嘅乘客,試想想作為上班族嘅你,平日有幾憎恨地鐵呢個地方?明明大家各不相識,偏偏要被迫共處一個車廂,每日都經歷「五味雜陳」,香水味、汗味、洗頭水味、臭丸味、麵包味……但當日幸運嘅英國乘客,一打開車門就上演「地下鐵碰着他」嘅驚喜情節,梅迪薩卡、舒姆沙、馬高列奧斯、馬里奧葛斯、曉姆斯,平日喺球場都遙不可及嘅球星,居然跟你擠身同一卡車廂,真係好想盡顯好客之道,向揸住紙仔「自由行」嘅德國男神指點迷津一吓,可恨本人不禁要慨嘆一句「有些機會不是我的」,聽朝搭地鐵能避過自由行拉篋輾腳已經要感恩。

文:呂晨
以女性角度看球星新聞,唔用眉筆用原子筆寫低球壇百態!


足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載