› 選擇地區
三藩市
紐約
洛杉磯
其他美國地區
香港 台灣 北美
 
2013年11月20日

蘋果馬膽:晨采人馬夾

◆上仗配黎海榮全程大外叠發揮欠佳亦只負四身位左右,反映今季狀態來得好。
◆換上騎功好的旺人潘頓,此駒上季兩次入Q,正是配潘頓跑谷草一哩。
◆曾於三班四次得亞軍,如今減至47分四班中層,肯定有分在手。

最緊要Fresh

蔡廐最近有「品學兼優」、「桃花心」休出照贏,可見此廐馬有冇熱身戰唔太重要,今晚隻「魅力知己」本身正係擅跑新鮮嘅馬,上季假假哋贏過G1香港經典盃,卡士高過對手,今場降入二班有利,蔡約翰、杜利萊本月合作四次獲三勝,「魅力知己」出王牌肯定唔會揸流攤。

魅力知己每季首仗成績:前季第三、上季第一

頂磅都咁叻

好多馬迷見到馬匹負頂磅133磅就怕怕,驚隻馬頂唔順,不過對於贏開嘅馬嚟講,往往可克服重磅阻力。今季九駒勝後再出孭頂磅,總成績兩勝四位,上名率甚高,其中一對跑谷草嘅新勝頂磅馬「喜多盈」同「川河型駒」更非冠即亞,今晚沈廐「幾叻仔」孭頂磅乘勝追擊,加上潘頓連贏14日咁旺,唔怕繼續捧場。

C欄勇將

第四場「過關勇將」上季12月下旬先作季內首戰,但今季還未到12月,今仗已是季內第三戰,可見健康改善,仲有此駒過往兩戰谷草C欄不勝有位,其他谷草移欄卻從未入Q,出到李寶利唔搏勢係假。

試閘馬

跑開有表現嘅馬,仍要試大閘,咁積極擺明戰意如虹,剛戰此類馬已有「辣得醒」得手,今戰曾試閘嘅馬中,「清新空氣」今季兩戰一冠一亞後冇缺課,按理近況佳毋須試大閘,結果仍安排出試,反映馬房未夠喉,希望谷盡隻馬爭功,韋達唔放手當然要捧。

拆局:拍賣馬

馬匹拍賣會下月舉行,每年拍賣會前夕,拍賣馬特別醒神,去年11月中起拍賣馬便連贏五日,幫馬會造勢。今晚咁啱有啲近績好嘅拍賣馬列陣,包括兩匹新勝之蔡廐「黃金宅男」及文廐「喜多盈」,查蔡廐今季七匹勝後再出馬獲三冠兩亞兩季,而文廐七匹今季勝後再出馬獲五冠一亞,睇完你係咪好有信心呢?

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載