› 選擇地區
三藩市
紐約
洛杉磯
其他美國地區
香港 台灣 北美
 
2014年01月02日

呂中豪傑:「聖人」球員靚仔有罪? - 呂晨

拉爾拉拿(左)與積洛迪古斯(右)算係靚仔啲嘅「聖人」喇。

靚仔罪名何其多?除背上「冇本心」呢個莫須有罪名之外,連俾對手侵犯未有獲判12碼,都皆因球證針對球員太靚仔,認真係踏入2014年第一個奇談。
修咸頓於日前英超作客1:2不敵愛華頓,賽後阿根廷少帥普捷天奴怒斥球證欠咗佢兩個12碼,仲自信心爆棚指己隊球員太後生兼靚仔,令球證無視一班「幼齒」,偏幫大球會。女仔就話青春可人被妒忌,估唔到喺球壇,長相標青都會輸蝕啲?普捷天奴嘅指控實在新奇,不過聽落又好似幾有道理,「聖人」領隊話球員太嫩,喺一副副Model臭皮囊下看似毫無殺傷力,所以球證寧願得失一班「花𡃁ken」。少帥更表示唔好因為球員外表出眾又後生,就要受到不公平待遇,仲話「我哋都可以係a**eholes」!筆者好奇望咗幾眼所謂嘅「靚仔」,只能夠講青春係本錢,但後生唔一定就靚仔,個人認為全隊平均都有65分嘅。
世界或者真有公平事,如果以普捷天奴所講,因為球員太靚仔就俾球證漠視,咁平日「恃靚行兇」嘅球星喺場外已經呼風喚雨,偶爾球場上蝕底少少唔緊要啦。你的樣子如何,你的命運也必如何嘛。文:呂晨

足本收睇《亂噏24》x劉嘉玲; 鄭秀文@杜琪峯再度登場!
周一至周五《亂噏24》約定你: http://bit.ly/appletalk24

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載