› 選擇地區
三藩市
紐約
洛杉磯
其他美國地區
香港 台灣 北美
 
2014年01月06日

柏案驚奇:
蘇斯克查拯救卡城 - 方栢翹

蘇斯克查(圖)人緣甚好,且看他能否拯救卡迪夫城。資料圖片

就算不喜歡蘇斯克查,亦很少會非常討厭他。曼聯球迷當然對蘇B更愛戴有嘉。除「娃娃臉」外型煞食,還有實而不華踢法。記得他96年英超處子登場,對布力般後備入替時,球迷還在揶揄:「買唔到舒利亞,費Sir求其執呢件新仔?咩料呀?」話音未落,便見他接應隊友40碼長傳、凌空「黐」下、連隨射入他首個英超入球,令個個O咀:「哦!明晒!」還有99年歐聯決賽的經典補時絕殺,就是這1球,令蘇B縱使往後長期受傷兼提早掛靴,仍深受擁躉愛戴;而可能正因他傷多過踢,對敵隊打擊不多,所以敵隊球迷都唔太憎佢。
蘇B的好好先生形象亦深入民心。莫迪門將、挪威國腳彼德臣說:「蘇斯克查友善兼和藹可親,你不能在他身上找到衰嘢,因為根本冇!」卡迪夫城老闆陳志遠因炒掉受擁戴的麥基而「犯眾憎」;現請來於英超甚有人緣的蘇B,不失為挽回人氣的好嘗試。當年阿巴莫域治炒掉人氣高企的迪馬堤奧後,請來「車仔球迷公敵」賓尼迪斯,令團隊受盡不必要壓力,陳老闆可能都有吸取教訓。
空憑人氣當然不能拯救卡城。帶領中型班莫迪首季便勇奪聯賽冠軍後,已有維拉、布力般等向蘇B招手,可惜他一一拒絕;直至成功衞冕冠軍、並贏取挪威盃後,蘇B才自覺「I am ready」,是時候回到他最難忘的英超了。首戰領軍,便作客擊敗紐卡素於足總盃晉級,可見他起碼能凝聚球員為他賣命。費Sir曾說「領隊揀工,其實要揀個好老闆。」下一步就看陳生會否放手讓蘇B全盤話事。
方柏翹
now足球評述員


足本收睇《亂噏24》x鄭秀文@杜琪峯;再有卓韻芝!
周一至周五《亂噏24》約定你: http://bit.ly/appletalk24

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載