› 選擇地區
三藩市
紐約
洛杉磯
其他美國地區
香港 台灣 北美
 
2014年03月18日

女中豪傑:男排靚仔打得又睇得 - 吾中

一直都覺得日劇好睇過韓劇,但呢排韓風實在勁,基本上成個亞洲嘅娛樂界,都俾韓風攻陷咁滯。其實,南韓喺體育運動上亦一向唔差,其中「男排3大花美男」文聖民、韓敾洙同埋金耀漢(圖),佢哋嘅人氣未必差得過「都教授」金秀賢。
上述3大男排俊男都有一個共通點,就係打得兼睇得,全部係國手級人馬,其中文聖民sell型、韓敾洙sell可愛,而金耀漢則sell陽光,加上全部身高超過1米85,甚有肌肉線條美,難怪可以吸引各階層嘅粉絲。不過,正如陸小鳳喺《大內密探零零發》入面講:「高手唔係事必要靚仔有型,只不過係你哋啲星斗巿民一廂情願嘅諗法咋噃!」
所以,我都好明白球王唔一定要靚仔,好似今日「求驗客」頭條嘅美斯咁,同高大靚仔呢啲形容詞絕緣,但因為佢堅勁,捧場客都唔少。不過,對於啲屎波又要扮球星嘅,就唔該靚仔少少,起碼有視覺享受嘛。
文:吾中
以女性角度看球星新聞,唔用眉筆用原子筆寫低球壇百態!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載