蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月31日
馬上成為壹會員

柏案驚奇:
憎人富貴厭人貧 - 方栢翹

踏入4月,英超進入大直路,只餘最後6周。所謂憎人富貴厭人貧,若現時你的愛隊爭標無望,看着其他前列球隊,當然「憎人富貴」;但我更「小器」,看着下游隊伍,同樣有幾隊特別唔like,黑心到想佢降班!
到底球隊做錯乜,慘到冇盃捧都唔夠,仲想佢降班?以前第一宗罪係踢法沉悶,如當年高Q大棍嘅保頓,及茅王之王溫布頓。時至今日,我就最為不齒無理炒掉領隊的班主。先說將去季聯賽盃冠軍功臣米高勞特立(圖)粗暴解僱的史雲斯。勞特立話當日朝早球會主席贊堅斯仲同佢握手話支持佢;點知幾個鐘後收電郵話自己被炒,連返球會跟球員道別的機會都冇 (咁似香港某間電台炒人嘅?),咁樣對待為球會奪得成立百年以來唯一錦標的教頭,實在可惡!
本來「上天有眼」,勞特立被炒後史雲斯成績滑落,10戰僅1勝,由中游跌至下游;但上周擊敗諾域治後,又俾佢哋暫離降班漩渦;不過英足盃同歐霸盃雙雙出局,可能都係報應。另外兩支下游球隊西布朗及卡迪夫城,同樣在亂炒教頭後成績急轉直下,相信已證明兩隊當日炒掉奇勒及麥基是錯誤決定。尤其是卡城華裔班主陳志遠,上任後倒行逆施,一意孤行將球會傳統藍色球衣轉成紅色,球迷已非常不滿;最慘都係蘇斯克查BB,回歸英超第一擊,好可能係降班收場。
方柏翹
now足球評述員

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載