› 選擇地區
三藩市
紐約
洛杉磯
其他美國地區
香港 台灣 北美
 
2014年05月16日

求驗客手記:
歐洲盃賽西甲玩晒

西維爾9年第3次贏得呢項錦標(包括前身歐洲足協盃),歷來有祖雲達斯、國際米蘭同利物浦做到。而佢哋喺歐霸盃封王,亦意味今季兩大歐洲賽都由西班牙球隊贏得,認真威水。唔知係開心得滯定真係同隊友有超友誼關係,西維爾隊長拿傑迪錫(左)捧盃後開心到同隊友丹尼爾卡列高嘴對嘴慶祝,不過呢位喺決賽滿場飛嘅克羅地亞中場賽後就冇解釋,亦拒絕透露會唔會好似傳聞咁喺季後離隊。

相關新聞:求驗客手記:歐霸決賽負西維爾賓菲加難破魔咒

西維爾今夏勢拆骨

不過西維爾一直以嚟都慣咗將上位嘅主力高價出售,上年就賣走咗尼格度同捷西斯拿華斯,所以今次奪冠功臣喺季後被賣走一啲都唔出奇。
西維爾今屆有得踢歐霸已經有運,因為馬拉加同華歷簡奴被禁賽,令佢哋上季西甲排名第9都仲可以參賽。球隊今屆淘汰賽都幾次絕處逢生,可以捧盃真係一啲都唔容易。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載