› 選擇地區
三藩市
紐約
洛杉磯
其他美國地區
香港 台灣 北美
 
2014年07月09日

撲救網球增訓練難度

【本報訊】世界盃開賽至今60場賽事中,就有11場由守門員奪得比賽最佳球員,其中墨西哥和美國門將兩奪此項殊榮;而哥斯達黎加門將更三奪最佳球員,表現備受矚目。

相關新聞:港首創訓練學校 教正宗撲救技術鋼門工場

「守門員要求比以前高」

體育評述員陳恩能(丹尼爾)指,隨足球和球員技術演變,增加了守門員撲救的困難,「所以守門員嘅體能、技術同觸覺,要求都比以前高」。陳以今屆三奪最佳球員的哥斯達黎加門將基羅拿華斯為例,賽前是以撲救網球來增加訓練難度,提升個人能力。
另一出位門將為德國「清道伕」紐亞,比賽多次在禁區外以鏟球或頭球解圍,儼如後衞一樣。陳指雖然守門員越來越主動行前救波,但轉為清道伕並非守門員的趨勢,「主要睇番領隊嘅策略同埋球員嘅打法,因為德國將防守線拉前,先會造就紐亞要做埋後衞嘅角色」。不過現時各隊多以穩守突擊打法,無疑令守門員要多走出禁區外清波,「今屆好多場和波、打足120分鐘,就係大家上半場要消耗對方體力,博對方犯錯就突擊,所以龍門如果分擔到後衞角色,可以減輕其他球員嘅體能消耗」。
陳恩能評價今屆其中三個表現出色的門將,「墨西哥嘅奧祖亞對巴西嗰場就最搶眼,佢優點係反應好快,就算喺小禁區起腳都救到」。至於美國門將侯活的特別伎倆就是活用腳救波,「救地波咁樣係會比手救快,但唔係個個守門員都咁做」。哥斯達黎加門將基羅拿華斯的後移步及橫移步之神速令陳恩能難忘,他說:「有幾次明明失位,都可以走返轉頭救得切個波,出迎時間亦都好準。」

【依波Live】即睇直播:
http://worldcup2014.appledaily.com/match/live
http://bit.ly/EballLive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載