› 選擇地區
三藩市
紐約
洛杉磯
其他美國地區
香港 台灣 北美
 
2014年08月09日

體壇拾趣:
路夫策騎大帝風騷

勒邦占士(大帝)重返騎士,肯定係今夏NBA最矚目嘅轉會,騎士得到佢回巢,自然加緊招兵買馬,周四據報已落實同木狼交易,送出A域堅斯同班尼特兩位狀元加埋下年選秀權,換嚟「雙雙王」路夫,同大帝加K艾榮組成新「3巨頭」。

傳簽中鋒莫茲哥夫

不過,騎士陣容都未叫得做完美,事關中鋒呢環仲好弱,佢哋新目標就係金塊嘅俄羅斯中鋒莫茲哥夫,準備又用選秀權換呢個7呎巨人返嚟。莫茲哥夫進攻能力一般,勝在籃底震懾力夠,上季限制對手嘅投射命中率去到46.9%,有呢個巨人幫手,大帝同路夫就可以放心進攻;另外,射手阿倫同魔術後衞E摩亞繼續傳會加盟騎士,增添球隊後備力量。
講番大帝,佢重返家鄉就梗係風騷,星期四又帶埋兩個仔去NFL球隊克里夫蘭布朗嘅練習營參觀(圖)。其實大帝喺高中時期除咗打籃球,都好擅長玩美式足球;當NBA蘊釀封館,大帝仲話過考慮轉打美式足球㖭。至於佢兩個囝囝都有落場玩番兩手,睇落有板有眼㗎,唔跟老竇打籃球,改玩美式足球都可能做到職業球員。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載