› 選擇地區
三藩市
紐約
洛杉磯
其他美國地區
香港 台灣 北美
 
2014年08月16日

領隊收風:
推富咸「大」做見面禮 - 本地職業領隊

富咸(白衫)攻強守弱,博入球「大」最穩陣。

加入咗本地波呢個大家庭30幾年,由青訓教練做起,到職業領隊,本地球圈嘅變遷,都唔知見過幾多,圈中朋友真係多到自己都數唔晒。每年暑假,都係我哋呢個職位最忙嘅日子,球員去留、簽新合約、服裝贊助等,自然係暑假嘅重點工作。

回歸前請英兵最easy

仲有,請外援!工作證申請就係一門學問。早幾日喺波總撞到「大廟隊」嘅四眼哥,揸住一大叠文件,個樣勁煩惱。八卦嘅我見到四眼哥咁煩,當然問吓有咩幫到佢啦。四眼哥即刻攞張紙出嚟問:「咩入境處要成12份文件咁多先可以申請工作證㗎?」我睇完佢張列表即刻畀隻手指公佢,仲讚佢一定搵咗人指路。
講開工作證,所有非本地球員通通要去入境處申請。有樣嘢唔知老球迷有冇印象,回歸前本地球隊好多時請英國兵,點解呢?除咗因為英文易溝通,更重要係未回歸前,佢哋揸英國護照來港,可以隨時開工,唔使申請工作證,而且攞轉會紙都易好多。
提起英國波,其實喺香港嘅外援或本地兵,好多時都會喺馬會玩吓外國波仔,我都見過啲巴西球員打完電話返老家,問完狀態先去投注站,查實一百幾十玩吓,增加睇波趣味亦唔錯嘅。今晚就有場英冠心水。有英國朋友話今屆富咸人腳唔錯,攻力幾好,但我話佢哋後防仲喺好水皮箒,佢即刻答我:「咁就啱!入得失得仲唔入球大?」富咸對米禾爾入球「大」,希望送畀老友做見面禮!
文:本地職業領隊
耳聽八方 專收好料

識睇,一定係睇足英台【英波Live】:
http://soccer.appledaily.com
http://bit.ly/engballlive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載