› 選擇地區
三藩市
紐約
洛杉磯
其他美國地區
香港 台灣 北美
 
2014年08月26日

呂中豪傑:等再一次上車 - 呂晨

「每一個人,都在等一個人」,相信大家就算冇因為九把刀或者凍齡女神周慧敏而衝入戲院,近期臉書上都有被呢句電影宣傳口號洗腦。等,早已係生活一部份;等地鐵、等食飯、等放工。不過電影所講嘅「等」,就好比失意嘅車路士前鋒費蘭度托利斯(費托),日盼夜想,苦等一個渺小嘅翻身機會。

唔過意甲力求翻身

11年由利物浦轉投車路士後,神鋒已淪為球壇笑話,態沉且連番空門失機,令昔日嘅「王子」地位降呢,兼被球迷嘲笑為「廢托」。不過偶有驚喜嘅費托依然有市,據悉意甲球會羅馬同AC米蘭,都對佢感興趣。
不過有指西班牙射手拒絕降薪,表明唔會主動要求離隊,除非球會肯一次付清剩餘兩年合約嘅年薪。嘩,這大概比費托入球嘅機會更微,而藍軍主帥摩連奴亦表示無意賣走呢名「第3前鋒」。「魔獸」杜奧巴回歸、又有英超兩場兩士哥在手嘅新兵迪亞高哥斯達,30歲嘅費托要等正選、等發圍、等再成為車迷寵兒,大概比等一個人更難。
你肯等,但球壇同咖啡一樣不等人,希望西班牙王子等到並上到尾班「車」。

文:呂晨
以女性角度看球星新聞,唔用眉筆用原子筆寫低球壇百態!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載