› 選擇地區
三藩市
紐約
洛杉磯
其他美國地區
香港 台灣 北美
 
2014年10月04日

領隊收風:紅軍「大」起西布朗 - 本地職業領隊

亞運接近尾聲,香港男亞足喺16強輸畀南韓之後,大軍已經返港,本地波亦會回復正常。周四走上斧山道運動場,坐埋一邊靜靜哋同流浪漢領隊平哥睇波,見到光頭喺度捽住部「六仔」,八卦問吓佢搞咩,原來佢睇緊今晚英超賽程;問佢有咩心水,佢話睇嚟睇去都唔明,點解利記表現差成咁,明明成隊波啲人腳都唔錯,但踢嚟硬係唔多順咁。

「流浪漢」簽新援夠快手

佢話紅軍中前場入波能力唔錯,罰波有謝四,又有擅於走動嘅史達寧喺聯賽6場入3球,攻擊力真係唔似有問題,但又話今晚英超利物浦(圖)對西布朗可勝又似不穩。我即刻叫佢睇吓西布朗近5場開幾多場「大」,佢即刻如夢初醒咁話,對家都係開「大」多喎,利記又入得波;入球「大」有1.5倍,我話諗多都嘥精神喇,玩個「大」就最實際。
流浪漢今日下晝會喺深水埗迎戰少林寺,到時仲有件話題新鬼可以候命。平哥就話總監青訓輝好嘢呀,畀佢諗到搵兩年前踢過志氣隊件土生洋將思希,仲話咁快到咗兼即刻出埋工作證㖭。
佢話:「總監一早知道思希單疑似黑工事件,只係有人無依足手續做,今次梗係嗱嗱臨處理;話咁快出好工作證,佢又有香港出世紙,即係香港人,就可以用本地球員身份註冊。搞好晒手續,今日即刻踢得,總監青訓輝真係有計。」
本地職業領隊
耳聽八方 專收好料

識睇,一定係睇足英台【英波Live】:
http://soccer.appledaily.com
http://bit.ly/engballlive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載