› 選擇地區
三藩市
紐約
洛杉磯
其他美國地區
香港 台灣 北美
 
2014年10月09日

呂中豪傑:布歷治冇陰影晒婚照 - 呂晨

正所謂「朋友妻,不可窺」,經歷過「友妻門」事件嘅布歷治就最了解。呢位𠵱家效力英冠雷丁嘅後衞效力車路士期間,曾被隊中好友泰利偷嗒模特兒女友佩龍塞爾,醜聞震驚球壇。不過布歷治一早已經重新上路,而且生活得不知幾好,近日布歷治太太、氣質女歌手法蘭姬更加喺網上大晒甜蜜婚紗照,一眾剩女提防慎入呀!
一對佳人今年7月結束4年「愛情長跑」步入教堂,當時更加有半歲多嘅囝囝一齊分享喜悅。法蘭姬放上instagram嘅黑白婚紗相中,兩人仲一齊錫錫愛子Parker,幸福到呢。雖然女神多數都鍾意留長髮令sexy度提升,但短髮嘅法蘭姬着上設計毫不花巧嘅婚紗,戴上簡單嘅珠花頭飾已經明艷照人,絕對係短髮界靚女代表。
而着上紳士3寶:西裝褸、西裝背心同西褲3件頭西裝嘅布歷治就……英倫風型男欠奉,真係老襯咁嘅樣囉。

文:呂晨
以女性角度看球星新聞,唔用眉筆用原子筆寫低球壇百態!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載