› 選擇地區
三藩市
紐約
洛杉磯
其他美國地區
香港 台灣 北美
 
2014年10月09日

楊明綸與女友莎拉
獲百億富豪力撐

深圳龍華鎮百億富豪兼「龍華」系馬掌舵人謝國輝,剛周二晚(7日)在沙田馬場會所設宴,與一眾宗親好友,分享他成為全球謝氏總會主席的喜悅,謝國輝同時亦係香港謝氏宗親會榮譽會長,他表示會努力為兩個團體作出貢獻,唔會辜負大家嘅期望。
今次晚宴獲邀出席的馬圈中人不多,沒有練馬師,騎師則只有華將楊明綸及其評馬人女友莎拉獲邀參加,令人有啲意外,因為過去「龍華」系馬好少用楊明綸,彼此冇合作贏過馬,但莎拉就因工作關係,好幾次追訪過謝國輝太太金沛橋及謝公子謝劍汶,成為好朋友,唔知係咪因為咁,間接令楊明綸亦都得到「龍華」系嘅支持,如果真嘅話,咁綸仔未來就有更多機會騎實力馬。
講開「龍華」系馬,周日(12日)將有隻呂廐馬「金國龍華」上陣,不過謝國輝好坦白,席間向一班宗親表示,與其留意賽績欠佳嘅「金國龍華」,倒不如吼實稍後安排出賽嘅「金珀龍華」及「金鎸龍華」。謝國輝指「金珀龍華」質高進度好,跑泥地和快活谷可看高一線,至於「金鎸龍華」已減分不少,最近試閘勝出,狀態大有起色,今季應可大力反彈喎!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載