› 選擇地區
三藩市
紐約
洛杉磯
其他美國地區
香港 台灣 北美
 
2014年10月14日

體壇拾趣:石仔返港即歐遊

石仔(右)噚晚同女友Lo(右二)返港,佢哋兩個今日就會去歐洲旅遊大半個月;旁為其家姐(左二)及母親(左)。徐嘉華攝

「跳馬王子」石偉雄又要飛喇!大家唔好誤會,唔係去比賽,而係去歐洲旅行鬆一鬆;為咗上個月亞運同啱啱完結嘅世錦賽,繃緊咗兩年嘅石仔都要唞番陣,為更遠嘅體操路叉叉電。

刷新個人排名感滿意

之唔係,上月底攞完亞運跳馬金牌後,返咗香港1日後又去廣西參加世錦賽,體操界3大錦標其中兩個都喺半個月內發生(另一個係奧運),唔攰先奇嘞!噚日同去咗廣西為自己打氣嘅媽咪、女友,仲有隊友一齊返香港後,問佢對世錦賽跳馬得第6名嘅感受,石仔都話滿意。
當然啦,因為今次世錦賽嘅參賽選手,大部份都係放棄亞運留力玩世錦賽,加上一班冇份玩亞運嘅歐美選手參加,佢哋訓練咁耐就係為咗全力衝擊世錦賽。但石仔就唔同,亞運要背負港隊保住體院精英項目嘅壓力,最後奇蹟奪金,精力都用咗七七八八,之後挑戰高手林立嘅世錦賽,攞到個人新高嘅跳馬第6名,唔收貨都過唔到自己嗰關。
香港體操隊下個目標就係明年底嘅世錦賽,因為要爭取奧運參賽資格,石仔趁亞運同世錦賽後,決定同女友去英國同法國旅遊,之後再為港爭光。石仔,好好享受旅程吧!

識睇,一定係睇足英台【英波Live】:
http://soccer.appledaily.com
http://bit.ly/engballlive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載