› 選擇地區
三藩市
紐約
洛杉磯
其他美國地區
香港 台灣 北美
 
2014年10月30日

呂中豪傑:老馬小三係「挨瘋」? - 呂晨

小三當道,不過小三亦唔一定係人,只要令一段關係分心,無論係PS4、打波定工作,都可以係他和她之間嘅第3者;而最難斬纜嘅,相信係是他也是你和我最密不可分嘅智能手機。最近球王馬勒當拿(左)就被爆因為呢個危害感情嘅「小三」,郁手打前女友!
馬勒當拿懷疑拳打前女友奧莉花(右)嘅影片喺網上流傳,片段所見球王原本「癱」喺梳化度睇電視,之後起身走近身後嘅奧莉花,突然發爛渣質問:「你仲玩緊手機?」奧莉花即刻反問一句「唔睇得咩?」,之後老馬有火疑似揮拳打人(小圖),奧莉花即刻叫佢停手。

雖然老馬喺86世盃以「上帝之手」帶領阿根廷痛擊英格蘭,最後亦贏得該屆世盃,地位舉足輕重,但呢段短短30秒嘅片段就將球王「一世英明」毀於一旦。出名脾氣暴躁嘅老馬事後堅稱只係搶手機,發誓冇動手打過女人乜乜乜。接受訪問之時,呢位53歲阿公級球王正喺杜拜窩居,好聽啲就叫兩袖清風冇女人煩;難聽啲講,一代球王都只係個獨居老人。
呂晨
以女性角度看球星新聞,唔用眉筆用原子筆寫低球壇百態!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載