› 選擇地區
三藩市
紐約
洛杉磯
其他美國地區
香港 台灣 北美
 
2014年10月30日

B女出世帶來好運!
靚媽欣欣:賽前我好驚

華將呢晚好生猛,蘇狄雄同何澤堯合作搞掂首口孖寶,後者另外同蔡明紹擸咗次口孖寶,何澤堯第二場贏「四喜滿堂」,蔡明紹則於第三場四班1200米勝出落飛馬「悅欣賞」。呢匹四歲拍賣馬排10檔,出閘一放到底,贏馬過程與「四喜滿堂」如出一轍,「悅欣賞」跨季三戰兩冠一亞,谷草千二米亦未失Q,跑第二係吳嘉晉座騎「塑料盈」,「萬醒駒」由杜利萊後上第三,與頭兩場一樣,繼續由王牌馬包辦三重彩。
「悅欣賞」本月19日谷草揭幕戰跑第二,輸畀「愛寶」,呢晚換蔡明紹再攻四班千二米,閘前畀落飛黨睇中,打到着綠燈變5.3倍開跑,女馬主曾向欣繼續親自入場打氣,結果愛駒冇令初為人母嘅佢失望,搞到呢位靚媽咪開心到跳起。呢場既係蔡明紹季內首勝谷草,亦都係佢今季第一次為沈廐建功。沈集成表示睇完頭兩場利內檔後,賽前對排外檔之「悅欣賞」唔係太樂觀,不過人馬都有出色發揮,值得一讚。
至外曾向欣,剛生了個BB女,欣欣話女兒帶來好運,並坦言賽前好驚「悅欣賞」排十擋埋不到欄,估不到愛駒如此叻仔,希望馬兒繼續進步,為家人帶來更多頭馬喜悅。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載